Sreyka

ដោយៈ ម៉ាល័យ ភ្នំពេញៈ ក្រុមការងារផ្នែកឯកជន “ឃ” ផ្នែកនិតិកម្ម ពន្ឋដារ និងអភិបាលកិច្ចនៃវេទិការដ្ឋាភិបាល និងវិស័យឯកជនបានបើកកិច្ចប្រជុំរួមគ្នា ដោយបានលើកឡើងនូវបញ្ហាជាច្រើន។ ប្រជុំបានដំណើរការពិនិត្យ ពិភាក្សា និងលើកឡើងនូវបញ្ហាប្រឈ​មចាស់ និងថ្មីមួយចំនួនរួមមាន ១. ពន្ធលើផ្ទាំងផ្សព្វផ្សាយពាណិជ្ជកម្ម ២ អាករលើតម្លៃបន្ថែម ៣ ការទទួលស្គាល់អំពីពន្ធលើប្រាក់ចំណូល ៤. បុព្វលាបង្គរ (ឬបៀរវត្សនិងបន្ទុកប្រហាក់ប្រហែល ៥ការចេញលិខិតទារបំណុល រួមនិងបញ្ហាប្រឈមមួយចំនួនផ្សេងទៀតផងដែរ។ កិច្ចប្រជុំនៅសភាពាណិជ្ជកម្មកម្ពុជា ដឹកនាំដោយ លោក អានូដ ដាក សហប្រធានក្រុមការងារ “ឃ” តំណាងផ្នែកឯកជន។កិច្ចប្រជុំនេះក៏មានការចូលរួមផងដែរពីសំណាក់ ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាអនុសហប្រធានក្រុមការងារ “ឃ” តំណាងផ្នែកឯកជន​…

ភ្នំពេញ៖ កម្ពុជាមានកិច្ចព្រមព្រៀងពាណិជ្ជកម្មសេរី (FTA) ជាមួយនឹងចិន, កិច្ចព្រមព្រៀងពាណិជ្ជកម្មសេរីជាមួយនឹងសាធារណៈរដ្ឋកូរ៉, កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា និងអេមីរ៉ាតអារ៉ាប់រួម រួមទាំងសមាជិកអង្គការពាណិជ្ជកម្មពិភពលោក (WTO)។ ក្នុងនោះនឹងទទួលបាន ភាពអនុគ្រោះក្រោមប្រព័ន្ធ MSN, ទទួលបានប្រព័ន្ធអនុគ្រោះទូទៅ (GSP) និងប្រព័ន្ធអនុគ្រោះ EBA ជាមួយសមាជិក WTO ចំនួន១០ផ្សេងទៀត។ នេះជាការបញ្ជាក់ ពីប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចប្រជុំវេទិកាធុរកិច្ចកម្ពុជា-ជប៉ុន រៀបចំដោយសភាពាណិជ្ជកម្មកម្ពុជា អង្គការពាណិជ្ជកម្មក្រៅប្រទេសជប៉ុន (JETRO) គណៈកម្មាធិការសហប្រតិបត្តិការសេដ្ឋកិច្ចនិងឧស្សាហកម្មជប៉ុន (AMEICC) និង ធនាគារមីស៊ូហ៊ុ (Mizuho) ដែលមានវិនិយោគិនចូលរួមចំនួនជិត៣០០នាក់ មកពីបណ្តាក្រុមហ៊ុនចំនួន ២២៧ ក្រុមហ៊ុន ក្នុងទីក្រុងតូក្យូ ប្រទេសជប៉ុន នៅល្ងាចថ្ងៃទី២៩ ខែឧសភា…

ដោយៈ វិជ័យ អន្តរជាតិៈ មានតែប្រទេសកំពូលមហាអំណាច២ប៉ុណ្ណោះ ដែលមានវត្តមានធនាគារធំ កំពូលលំដាប់ទាំង៥នៅលើពិភពលោក ក្នុងឆ្នាំ២០២៥នេះ។ គិតមកដល់ត្រឹមឆ្នាំ2025 ធនាគារធំជាងគេលើពិភពលោក ដោយទ្រព្យសម្បត្តិគឺ ធនាគារឧស្សាហកម្ម និងពាណិជ្ជកម្មនៃ (ICBC) មានទ្រព្យសម្បត្តិសរុប ចំនួន$6.69ពាន់ពាន់លាន គិតត្រឹមថ្ងៃទី 31 ខែធ្នូ ឆ្នាំ 2024។

ដោយៈ សិរី វង្ស ជប៉ុនៈ សម្តេចមហាបវ​រធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក YOSHIHISA Kainuma ប្រធាន និងជានាយកប្រតិបត្តិ នៃក្រុមហ៊ុន MinebeaMitsumi Inc., និងសហការី ចូលជួបសម្ដែងការគួរសម។ ជំនួបនេះ ធ្វើឡើងក្នុងឱកាសសម្តេច អញ្ជើញបំពេញទស្សនកិច្ចការងារផ្លូវការ​​ ពីថ្ងៃទី២៨-៣១​ ខែឧសភា​ ឆ្នាំ២០២៥​ នៅទីក្រុងតូក្យូ ប្រទេសជប៉ុន។ ក្នុងជំនួបនោះ លោកប្រធានក្រុមហ៊ុន បានថ្លែងអំណរគុណសម្តេចមហា​បវរធិបតី ដែលបានអនុញ្ញាតឱ្យរូបលោក និងសហការីចូលជួប​សម្តែង​ការ​គួរសម និងបានសម្តែងការអរគុណយ៉ាងស្មោះស្ម័គ្រ​ចំពោះរាជរដ្ឋាភិបាល​កម្ពុជា ដែលបានគាំទ្រយ៉ាងពេញទំហឹងដល់ដំណើរការ និងសកម្មភាព​អា​ជី​វកម្ម របស់ក្រុមហ៊ុនមីនេបៀកម្ពុជា-Minebea​ (Cambodia)។ លោកប្រធានក្រុមហ៊ុន បានគោរពជម្រាបជូនសម្តេចមហាបវរធិបតីអំពីវឌ្ឍនភាព នៃការពង្រីកប្រតិបត្តិការអាជីវកម្ម របស់ក្រុមហ៊ុន…

ដោយៈ ចំណាន ភ្នំពេញៈ រដ្ឋមន្រ្តីក្រសួងពាណិជ្ជកម្ម លោកជំទាវ ចម និម្មល បានលើកទឹកចិត្ត និងជម្រុញឲ្យអ្នកធុរកិច្ចកាណាដាពង្រីកការវិនិយោគមកកាន់កម្ពុជា។ លោកជំទាវបានលើកឡើងបែបនេះ ក្នុងពេលអនុញ្ញាតជូន លោក Dominic Jacques អនុប្រធានធនាគារជាតិនៃកាណាដា និងជាតំណាងក្រុមប្រឹក្សាធុរកិច្ចកាណាដា-អាស៊ាន ចូលជួបសម្តែងការគួរសម និងពិភាក្សាការងារ។ ក្នុងជំនួបនេះ ភាគីទាំងពីរបានពិភាក្សា និងផ្លាស់ប្តូរយោបល់លើការពង្រឹងកិច្ចសហប្រតិបត្តិការ ដើម្បីជំរុញវិស័យធុរកិច្ចកម្ពុជា-កាណាដាឲ្យកាន់តែរីកចម្រើន តាមរយៈការផ្គូរផ្គងធុរកិច្ច និងការបង្កើតមជ្ឈមមណ្ឌលពាណិជ្ជកម្មឯកជននៅកាណាដា។ ឆ្លៀតក្នុងជំនួបនេះ លោកជំទាវរដ្ឋមន្ត្រី បានគូសបញ្ជាក់ពីកិច្ចខិតខំប្រឹងប្រែងរបស់កម្ពុជា ក្នុងការសម្របសម្រួលនិងបង្កើតបរិយា​កាសល្អ សម្រាប់ការធ្វើពាណិជ្ជកម្ម និងវិនិយោគនៅកម្ពុជា ព្រមទាំងបានលើកទឹកចិត្តឲ្យវិនិយោគគិនកាណាដា មកវិនិយោគបន្ថែមទៀត ដោយចាត់ទុកកម្ពុជា ជាទីតាំងសក្តានុពល ដើម្បីពង្រីកបណ្តាញធុរកិច្ចក្នុងតំបន់៕

អន្តរជាតិ: តម្លៃប្រេងឆៅបានធ្លាក់ចុះបន្តិចក្នុងការជួញដូរនៅព្រឹកថ្ងៃអង្គារនេះ ខណៈក្រុមពាណិជ្ជករបានពិចារណាអំពីលទ្ធភាពថា តើអង្គការនៃបណ្តាប្រទេសនាំចេញប្រេង និងសម្ព័ន្ធមិត្ត (OPEC+) អាចនឹងសម្រេចបង្កើនផលិតកម្មប្រេងនៅឯកិច្ចប្រជុំនាពេលខាងមុខរបស់ខ្លួនដែរឬទេ?។ តួយ៉ាង តម្លៃប្រេងឆៅ Brent futures បានធ្លាក់ចុះ១២សេន ឬ០,១៩ភាគរយដល់៦៤,៦២ដុល្លារក្នុងមួយបារ៉ែលគិតត្រឹមម៉ោងសកល 0022 GMT ខណៈតម្លៃប្រេងឆៅ West Texas Intermediate របស់អាមេរិកបានធ្លាក់ចុះ១៥សេន ឬ០,២៤% មកនៅត្រឹម៦១,៣៨ដុល្លារក្នុងមួយបារ៉ែល។ លោក Daniel Hynes អ្នកយុទ្ធសាស្រ្តជាន់ខ្ពស់នៅធនាគារ ANZ បានអះអាងថា “តម្លៃប្រេងឆៅបានធ្លាក់ចុះ ស្របពេលទីផ្សារបានពិចារណាពីលទ្ធភាពនៃការបង្កើនការផ្គត់ផ្គង់ពីសំណាក់អង្គការ OPEC”៕